ALISTAHILI KUUWAWA KINYAMA HIVI? JE..! HII NI HAKI? Ni Polisi-Jamii... AU "Polisi v/s Jamii?!!

RIP - Daudi Mwangosi

Tasnia ya Wanahabari ilimpoteza Mwandishi wa Habari, Daudi Mwangosi wa Channel TEN na Mwenyekiti wa Klabu ya Waandishi wa Habari Mkoani Iringa (IPC) katika vurugu zilizotokea kati ya Polisi wa kuzuia vurugu (FFU) na wanachama wa CHADEMA ambapo walikuwa wamekusanyika kwenye ofisi ya chama chao kijijini Nyololo, Mufindi tayari kwa maandamano ambayo yalikuwa yakipingwa vikali na Serikali.

No Matter How Angry The "POLICE" are, 
BUT 
"NO USE OF GUNS TO INNOCENT CIVILIANS,.
 PLEASE"

MASWALI KWETU KAMA JAMII, SERIKALI, WANASIASA, POLISI:
1. Ni kweli tunakumbuka na kutekeleza majukumu yetu kulingana na viapo tulivyoapa wakati tunaomba kupewa dhamana ya kutumikia na kuwawakilisha wananchi katika majukumu mbalimbali?
2. Kitendo cha Askari Polisi yule kutumia silaha kubwa kama iliyotumika kumpiga marehemu, ni kuashiria kuwa kabla ya kupewa dhamana hiyo ya kulinda usalama wa Raia, Askari huyo hakupata mafunzo au maelekezo ya kufaa? 
3. Mwandishi huyo wa habari alikuwa ni mmoja wa waandamanaji au Alikuwa anatimiza wajibu wa jukumu lake la kukusanya habari?
4. Kitendo cha Marehemu Daudi Mwangosi kuwasihi Askari Polisi wasiendelee kumpiga mwanahabari mwenzake mwingine aliyekuwa akipigwa na askari Polisi hao, NI KOSA hata kumfanya naye Daudi Mwangosi aonekane kutenda kosa lililostahili aadhibiwe hadi umauti?
5. Je, Askari Polisi wanao tenda makosa kama hayo mengi na ya kinyama, WANSTAHILI KUFANYIWA HIVYO (kupigwa) NA RAIA?
6. Au, ndio tafsiri nyepesi na kufaa kutamka kuwa "NDIO ULINZI SHIRIKISHI HUO", "HIYO NDIYO POLISI - JAMII", "HUO NDIO NDIO USHIRIKIANO WA RAIA WEMA NA VYOMBO VYA DOLA DHIDI YA MAOVU".
7. Hii IMANI iliyopo ya wananchi kwa Serikali na Vyombo vyake vya Dola, imefikia kikomo?
8. Au kwa kuwa juzi juzi huko Afrika Kusini imetokea Askari kuua Raia na ikageuzwa kuwa waliokuwa wanadai haki yao, ndiyo wameuwa wenzao! HIVYO NA ASKARI WA TANZANIA WANAFANYA HIVYO KWA KUWA HAWATACHUKULIWA HATUA ZOZOTE?
9. Tunaipeleka wapi nchi yetu kwa kufanya unyama wa aina hii wa kijinga na wa kipumbavu?
10. Ukweli ni kwamba, WANANCHI WA TANZANIA WAMECHOSHWA NA UONEVU, UONGO, UBADHILIFU WA MALI YA UMMA, UNYAMA NA SIASA ZA MABAVU ZA CCM, kumiliku kila kitu hata MAISHA YA WATANZANIA.

Wanachama wa Chadema wakiwa wamekusanyika nje ya
ofisi ya chama chao huko Nyololo, Iringa

Polisi wakitoa amri ya watu waliokusanyika eneo hilo kutawanyika.tahadhari picha zingine sio nzuri sana.

Polisi wakiwa wamejisandaa tayari kwa lolote

Hayati Mwangosi, kulia mwenye Camera na Jacket la Khaki
akiwa kazini dakika 20 kabla ya mauti yake

Polisi wa FFU wakiwa wanamshambulia Bwana Mwangosi
aliyekuwa katikati hapo amelala baada ya kipigo kikali.

FFU hapo wanaonekana wakiwa wamemaliza kazi yao, na wanakimbia
kutoka eneo la tukio baada ya kumuua Marehemu Daudi Mwagosi,
anayeonekana mabaki ya mwili wake hapo chini.